O novo fogar de Philae

   A sonda espacial Rosetta da Axencia Espacial Europea, despois de viaxar 6.550 millóns de km durante 10 anos polo sistema solar, chegou a órbita do cometa 67P/Churyumov-Gerasimenko.

   Rosetta foi lanzada o 2 de marzo de 2004 para orbitar ao redor do cometa 67P e hoxe, 12 de novembro de 2014 ás 9:35 horas achegouse a 22’5 km da súa superficie enviando un aterrizador chamado Philae, tanto un como a outra van provistos de diferentes instrumentos que servirán aos científicos para tratar de entender de onde proveñen os orgánicos da terra, a auga e a formación da vida.

   Philae coa súa antena emite información que o seu instrumental recolle no cometa e pásalla a Rosetta,  esta coa súa antena máis potente envíaa Terra. A información tarda en chegar 28 minutos.

   “O que máis desexo e que se descubra a molécula da orixe da vida na Terra” declarou no centro de control Roger Bonnet, que era o director científico da Axencia Espacial Europea no momento que se iniciou a misión Rosetta.

   Hoxe ás 10:05 da mañán, hora española, a sonda Philae separouse totalmente da sonda nai Rosetta e voaba soa cara ó cometa 67P. 

  

   Estas son as primeiras imaxes tomadas do cometa 67P hoxe ás 11:39 horas.

   Ás 12:06 horas, Philae da sinais de vida e dende a Axencia Espacial Europea indicar estar moi contentos. Philae e Rosetta atópanse onde eles pretendían que estivesen.

   O equipo do centro de control espacial alemán, son os que controlan as ondas, analizaron os primeiros datos transmitidos por Philae e din “Todo é nominal  neste momento”. Nominal, na xerga do sector espacial, significa que todo vai como tiñan programado.

   Imáxes da sonda Philae tomadas dende Rosseta ás 16:25 un                   cuarenta minutos da súa aterraxee.               

  Porfin, ás 17:04, hora da terra, Philae está pousada na superficie do cometa 67P, 28 minutos despois de que o fixera realmente.

   As primeiras palabras do director de  voo. Andrea Accomazzo, tras a aterraxe foron: “Vimos a sonda sentada sobre as patas!”

   E ás 17:11 horas: “Temos telemetría, Philae estanos falando!” , añade Stefan Ulamec.

   Como os científicos non saben canto tempo pode durar Philae porque descoñecen as condicións ás que estará sometida, durante os próximos tres días, traballarán a destaxo. De todos os xeitos, pensan que a sonda pode resistir ,polo menos, ata marzo de 2015.

   Agora Philae xa se comunica con todos nós a través de Twitter:

     @Philae2014

Cheguei! A miña nova dirección: 67P! #CometLanding

   Despois das primeiras análises os arpóns de Philae non se activaron na superficie xeada do cometa, aterrou enriba dunha rocha e só está suxeito con tornillos.  O perigo de non ter os arpóns despregados é que o cometa ao non ter gravidade a sonda pode desprenderse del.

   Os dez instrumentos que a sonda ten permitirán analizar a composición química do cometa 67P e a súa estructura interna, ademáis de enviar fotos da súa superficie. Os datos deberían aclarar si os cometas trouxeron a auga dos océanos e as materias primas da vida na terra nos primeiros tempos do sistema solar.